（原圖：蘋果日報）
（獨媒特約報導）美林邨兇殺案警方誤拘30歲智障男子事件昨晚有突破性發展，智障男子所住的院舍所屬的聖公會福利協會昨晚發聲明踢爆警方謊言，連日來拒絕就事件道歉的警方隨即於深夜發出聲明，向家屬表示抱歉。家屬及立法會議員張超雄今日回應，表示接受警方的抱歉，但認為拘留過程中仍有許多細節未獲跟進，於記者會上公開口供錄音，將會向投訴警察課投訴。監警會副主席、金融服務界議員張華峰表示，相信監警會會於下周會議討論此事。
遭院舍踢爆 警方深夜表示抱歉
警方於5月2日高調拘捕智障男子，拘留近50小時，一直堅稱是因為未能聯絡院舍職員，未找到不在場證據所以不能撤控。聖公會福利協會昨晚發出聲明，證實院舍職員於5月3日已向警員交出閉路電視錄影片段及智障男子的日常生活紀錄，已證明事主於案發時身在屯門院舍，踢爆警方大話。
連日來拒絕道歉、昨日上午仍只願意向事主及家屬「送上祝福」的警方，終於深夜約11時半發書面聲明，表示警方為尋求事實真相，對為事主及其家屬帶來不愉快經歷，表示抱歉，警方會重新檢視處理涉及精神上無行為能力人士案件的政策及調查工作的指引。
家屬將投訴
事主家屬與立法會議員張超雄今日召開記者會回應，事主兄長歐先生表示接受警方抱歉，但指出警方在無家人陪同下錄口供、以引導方式盤問、拘留期間不讓事主用藥，將會向投訴警察課作出投訴，並要求政府成立由醫生、心理學家、律師組成的獨立調查小組跟進。他強調並非仇視警察，而是希望改善有關制度。
記者會上公開了口供的錄音及文字撮錄（見下），當中可見絕大部份案情由警員說出，智障男子未能完整回答警員問題，只能重複問題中的字眼，警員多次引導他回答問題，甚至作出動作示範，表示「幫你回憶下」，引導他承認罪名。
筆錄口供與錄影口供的比對（撮錄）
【筆錄口供（沒有家人在場）】
警：你叫乜野名
答：XXX（中文全名）
警：幾多歲呀
答：30歲
警：你屋企係邊
答：XXXX（地址）
警：今年4月13日夜晚七點你係邊
答：係屋企去美林村
警：去美林村做乜
答：推左伯伯落地
警：我有理由相信你2015年4月13日係邊度犯了謀殺，唔係事必要你講，除非你想講，所講有可能用筆記低及用來做證供，你點解推伯伯落地
答：因為佢放狗
警：推完伯伯跟住點
答：睇新聞知道伯伯死左
警：唔係事必要你講，除非你想講，所講有可能用筆記低及用來做證供，你明唔明白
答：對唔住呀
【錄影口供（家人在場）】
02:32
警：你面前有一張羈留人士通知書，解釋了給你聽，你可以看這張通知書，你需唔需要使用任何一個權利？
答：。。。（好細聲，唔知講緊咩）
警：你需唔需要使用任何一個權利？
答：。。。（好細聲，唔知講緊咩）
警：你可唔可以講下你需唔需要使用權利？
答：可以
警：需唔需要使用？
答：需要使用
警：你想使用邊一條？指出來？
答：（無意識地指出）
警：即是要通知家人，我已經做了，你同意嗎？
答：同意
警：你同唔同意接受錄影會面？
答：。。。（好細聲，唔知講緊咩）
警：可唔可以大聲講一次？
答：大聲講一次
警：你同唔同意接受錄影會面？
答：你同唔同意接受錄影會面
警：你同唔同意將我地既會面過程錄影低呢？
答：錄影低呢
警：我繼續問你問題好唔好？
答：好
警：你而家精神狀況點樣？
答：。。。（好細聲，唔知講緊咩）
警：精唔精神？
答：精神
警：使唔使休息？
答：使唔使休息
警：需唔需要搵律師在場陪住你呀？
答：。。。律師陪住你呀。。。
警：使唔使搵律師？
答：使唔使搵律師
警：你答我，使唔使搵律師？
答：使唔使搵律師
警：大聲D，使唔使搵律師？
警：問哥哥，可否做個見證，做錄影會面同需唔需要律師在場？
哥：唔需要。
07:05介紹錄影會面室
10:25
警：現在調查謀殺案，警戒詞，明唔明白？
答：明白
警：陳述案情，下午你講對唔住係咩意思？
答：。。。（好細聲，唔知講緊咩）
警：點解你講對唔住？
答：。。。（好細聲，唔知講緊咩）
12:45
警：係2015年4月13日晚上7:30，你係邊度？
答：係邊度。。。（好細聲，唔知講緊咩） 。。。XXX室
警：你係邊度？
答：。。。（好細聲，唔知講緊咩）
警：慢慢講，你果時係邊？
答：。。。（好細聲，唔知講緊咩）
警：慢慢講
答：XXX室
哥：XXX室係咪屋企
答：係
13:50
警：你係2015年4月13日下午7時30分係美林村？
答：係
警：美林村邊度？
答：美田村
警：美田村？
答：美林村
警：美林村邊度？
答：。。。（好細聲，唔知講緊咩）
14:54
（轉警察）
警：你記唔記得落小巴果時，你同我講，係2015年4月13日，你係美林村推跌個伯伯？
答：係
警：你話個伯伯放狗，你唔鐘意佢，係咪？
答：係
警：點解你唔鐘意佢放狗
答：佢放狗
警：點解星期一係美林村出現？
答：。。。美林村
警：記得？
答：記得
警：伯伯係邊度放狗
答：伯伯
警：係咪球場果度？
答：係
警：你點推佢呀
答：咁推
警：兩隻手一隻手？
答：兩隻手一隻手
警：邊隻手
答：兩隻手
警：幾大力推佢？
答：。。。（好細聲，唔知講緊咩）
示範
警：伯伯有無跌低？
答：無跌低
警：有無？
答：無
警：跟住去左邊
答：。。。返屋企
警：仲有咩人係籃球場？有伯伯有隻狗？
答：係
警：仲有咩人係籃球場
答：籃球場
警：你返左美田村，有咩人，記唔記得？
答：記得
警：屋企仲有咩人？
答：記得
警：XX，你望住我，你係屯門一個地方，你係果度做咩，叫做聖公會福利協會康恩園？
答：。。。（好細聲，唔知講緊咩）
警：你係果度做野定訓覺？
答：做野訓覺
警：附星期幾返屋企？
答：星期六
警：星期日？
答：返來
警：星期一點解你係美林村？
答：。。。（好細聲，唔知講緊咩）
警：記唔記得？
答：記得
警：點解你係美林村？
答：。。。（好細聲，唔知講緊咩）
警：即係你自己走左
答：係
警：偷走？有無話比姑娘聽？
答：無講
警：搭咩車去美林村？
答：。。。（好細聲，唔知講緊咩）
警：搭咩車去美林村？
答：美林村
警：搭咩車
答：80號
20:45
警：係屯門點搭車出來？
答：XXX室
警：唔係XXX室，係問你屯門點出來？搭咩車去美林村，記唔記得？
答：記得
警：用散紙定八達通
答：八達通
警：用八達通定現金
答：現金
警：頭先你話見到伯伯放狗，你推佢，你走既時候有無見到伯伯跌低？
答：無
警：你見唔到？你有無見到？
答：有見到
警：佢有無跌低？
答：無跌低
警：佢無罵你？
答：無
警：你有無罵佢？
答：無
警：你有無同伯伯講野？
答：無
警：你記唔記得？
答：記得
警：有無講過野？
答：唔記得
23:45
警：XX，你望住我，你果日係屯門，搭唔記得咩車，去到美林，見到伯伯放狗，就兩隻手推佢，伯伯有無跌低，你就唔清楚了，係咪？跟住返美田村定返屯門？
答：返屯門
警：有無返XXX，返屋企？
答：有
警：有無去美誠苑？
答：無
警：美松苑
答：無
警：其他地方？
答：無
24:50
警：你係咪自己一個？
答：係
警：你去左籃球場？
答：係
警：去籃球場做咩？
答：係
警：去左籃球場做咩？
答：係
警：XX，你望住我，你去籃球場做咩？
答：去打波
警：你點解要推伯伯？
答：推伯伯
警：有無推伯伯？
答：無。。。有。。。
警：XX，你望住我，有無推伯伯落地，有無推伯伯
答：推伯伯
警：點解會做果個動作？
答：。。。（好細聲，唔知講緊咩）
警：我再問你，你有無去過美林村籃球場？
答：無
警：你又話比我聽著住件衫既？
答：有
警：你記清楚
答：有
警：即係而家記得返？
答：係
警：你點樣推伯伯？
答：無推伯伯
警：頭先示範又話有推？
答：無推伯伯
警：我再幫你回憶下，好唔好？
答：好
示範
警：你望住我，你話比我聽，你有咩病？
答：。。。（好細聲，唔知講緊咩）
警：即是自閉症？
答：係
警：幾時開始有？10歲，20歲，一出世有？記唔記得？
答：記得
警：一出世有？
答：係
警：係院舍有無睇醫生？
答：睇醫生
警：有無睇醫生？
答：無
警：你明唔明白我用廣東話講野？
答：明
警：平時有無睇新聞？
答：有
警：伯伯死左你係邊度知？睇電視定睇頭條日報？
答：睇電視
警：你有無同屋企人講你推跌伯伯？
答：無
警：你知唔知你可能做左d唔岩既野？
答：唔岩既野