未來展品「吊吊揈」

《未來展品「吊吊揈」》

勞碌了一個星期，星期日安排了參觀科學館呢個課外活動比自己。

科學館個「巨龍傳奇」有好多好多人去睇，係尖沙咀掃貨的自由行離遠見到條恐龍，當然係唔會放過啦。

科學館外面有條恐龍，我其實都好想同條恐龍合照，但佢正面實在有太多太多人，於是我只好影佢的頭部同尾部，呢D 部位終於無人同我爭啦。

睇睇下，發現條恐龍好似許願咁，無下巴架喎...

再睇睇下，條恐龍條頸咁長，食野咪成個鐘先跌到落個胃到...

當我好全神貫注的睇緊佢尾部個時，恐龍條尾開始「拂」來「拂」去。你話如果條恐龍幫幫手去「拂」開想「禽」上條劍龍個死靚仔你話幾好呢。

個死靚仔個大陸媽媽仲同個死靚仔加油，等佢可以係保安發現前影到張相。本來條劍龍已經有個欄欄住，你要爬過個欄，殺出重圍，都引起了眾人的注意架啦，佢係唔係不停唸「你睇我唔到」咒語，覺得全場人死哂。其實條劍龍本身個背部已經有一個個三角形，你「禽」上去無咩好處姐，唔會「銀」咩？

最後因為保安員阻止，個死靚仔都無成功「禽」上去。

有時候覺得，博物館D 展品真係無D 自由人咁精彩。

D 展品其實要凌空吊起，先會防止到D 人爬上去，咁未來D 展品咪都要「吊吊揈」，我地咪都要「頭鱷鱷」咁睇囉。

PS. 其實條恐龍應該係好似起樓咁分件組裝而成，但又唔多見駁位架喎，無理由原隻上架？如果真係原隻上，佢係搭邊種交通工具架？