樓市新辣招・惡搞希特拉都頂唔順

政府出招‧樓市加辣的消息推出了一個星期，網友議論紛紛：

「有時睇FB睇到精神分裂。當好多人share樓市已瘋狂，樓市好快爆，一定唔會而家做樓奴，根本冇人買得起，但一收緊按揭，竟然見到最多嘅comment係話咁咪更加唔使買樓？」葉SIR留言。(註1)

「反正都唔會現在上車，火星之旅加價加按加糖加辣加乜乜都唔關我事，算了吧，理得佢！」鄉村鼠認同這一點。(註2)

但是鼠民沒有精神分裂，唔買樓唔關事不代表要啞忍，仍然要駡爆這個失衡的制度。
因為租務管制、物業空置稅、物業增值稅、甚至懲罰性劏房營業稅全部隻字不提，
只收緊按揭成數，保住銀行家，懶理鼠民捱貴租的副作用，
讓失衡的制度更失衡、讓扭曲的市場更扭曲。

「上車難咗，班窮鬼都要住，咪去搵D平盤同劏房租住先，加租15% !!!」
司徒師傅用幽默及粗口串出道理。(註3)

唔係講笑，報紙已大字題目「加辣後買轉租升溫，市場料盤源趨減，勢推高租金」，
租個400呎的港島單位是 $17,000 !!! (註4)
反正SIZE差唔多，怪不得年青人「放棄自己」排公屋。

「業主係有錢的，理得佢按6 成定5成，再買多個盤...」司徒師傅語出驚人。
事實應驗了，週末發展商又賣個滿堂紅。
報紙又大字題目：「無懼加辣　新盤大賣300伙，悅X即日沽清　買家豪言 full pay冇問題」 (註5)

「政府可以參考德國的租務管制，或設房屋增值稅、空置稅、
限制地產商一定時間內必須把房屋推出市場等等。」政黨好言相勸。(註6)

期望689政府參考「外國勢力」的德政，
倒不如請德國的「惡搞希特拉」出場幽自己一默。

(註1)《不收緊按揭，你就會興奮高追嗎？》葉一知「看到很多網友狠狠批評，說令人更難買樓。我唱反調，原因就是以現在的樓價，按七成也是上不到車，就算上到車又是否幸福呢？」(值得一讀)

圖片來源：網上資料