題為編輯所擬。
圖：AFP
但是不要忘記，全世界都有警察對「和平抗議者」拳打腳踢、胡椒噴霧用到好像淋花。而且「民主社會」都會發生。occupy乜乜那時，美、英、澳、加等等西方「先進」「民主自由人權法治」社會，打。我們已經歷「民主化」的鄰居韓、日、台等等，這些年來，也一直打。警察打鳩示威者，才是真正的國際標準。
一萬零一次還是要說：國家是一個階級統治另一階級的、壟斷武力的機器；武裝隊伍，是為了鎮壓而存在的。
不要再傻豬豬地說甚麼害群之馬了。根本他們一整個物種的生存之道、生存本能，就是打柒反抗的人。要升職，就要打得夠勇。留手只會被同袍看不起。大佬，做警察都係搵食嗟。咁有得搏表現，你搏唔搏？7月2俾人拉入警校拘留的人，就有好深印象：到處都是前輩的輝煌成就到處貼。就好似傳銷D伯爵、男爵一樣。警校年青人見到，幾咁憧憬呢！
警署入面有新聞board，上面一大堆抗議新聞的。我和戰友們被打後開完記招，街頭巷尾警察見到我都會輕聲說：「哈，俾人打嗰個喎！」而網上也流傳過無數警察仇視示威者的whatsapp、facebook、xanga了。他們的氣氛就是，視示威者為收政黨錢搞破壞、平時屌警察有事就求他們幫的契弟。
仲有，PTU訓練時既假想敵，唔只黑社會，亦唔只佔中／民主派呀，更加有既係爭取欠薪既工人、被迫遷既居民。是的，「警察是中立的」，「犯法就要執法的」。所謂的中立，就是話知你幾窮苦幾受壓迫。
更何況，他們日常工作一向的practice就係咁。
俾人拉就知道，差不多保釋的時候，因為就快有得收工，又怕你唔肯保釋阻著他們，所以警察會變得好好心情甚至友善起來。當日在警車打我的警察，臨保釋時同我吹水，我說：「唉屌，你地打完一鑊，條氣順D啦？」佢，我相信真的不帶敵意，笑嘻嘻好得意地說：「係咁架啦，平時D古感仔呀，俾我地打撚到落車嘔架！你算好少事啦哈哈屌。」我也跟著「屌！哈哈哈！」律師也說，十個古惑仔客，九個俾警察打。
而你要知道，所謂投訴警察，四百多宗涉及毆打的個案，最後經「認真調查」後成立的個案數量，是零。是零呀！
即係可能你會覺得古惑仔唔係好人，但我想講既係，警察根本就好慣「犯人」是沒有人權的。而你估示威者係佢地心目中會好得過古惑仔？
更何況，你想一想平時他們抄牌，是不是見搵食車、貨車就追著來抄，見到靚車甚至有自己人識認的車就當見唔到？是不是見到少數族裔、窮人就呼呼喝喝，見到白人、身光頸靚有錢人就下巴都縮低幾寸？點解？根本警察就是，未見過世面的年青人，一讀完書，除了受法西斯訓練之外，就在充滿欺凌的文化中成長的。我以前有個反黑大Sir網友，出來飲茶，會叫個細既去等位。那伙記，手抱BB女等，然後我們坐下，大sir揮揮手就叫佢走的了。
連同手多多摸女示威者、私刑打示威者等，都是脫序（但普遍）的行為。但脫序行為被鏡頭影到、甚至脫序行為本身的出現，其實是我們的幸運，因為這些行為會導致即時、明顯、嚴重的反感。真正麻煩的，還是程序內、體制內的執法。
我都費事quote咩Hannah Arendt咩平凡之惡。總之佢地做事，就是大把程序去俾權力、保護、同埋心理依靠佢地。合法對他們來說，就是正當，而且責任總是不在個人，有錯都是體制的錯。於是只要有命令、只要有程序，男警強抱女仔，搵食嗟！追打手無寸鐵示威者，犯法呀？放走打人黑社會，我想架？！
唔係因此完全否定普選，有「民主選舉」的地方，也的確打得無極權國家咁誇、咁多。但如果以為有普選就無police brutality，有選票就是「人民當家作主」，肯定是太天真太傻。
警察有幾「為人民／政權服務」，說到底還是決定於人民有幾多硬實力啊。
硬實力可以指武裝，可以指利用外國勢力的能力（但當然下場往往是引狼入室然後更加食屎），也可以是癱瘓社會的能力。你有辦法動員一半人唔返工，政府唔跪低咩。
當然，講就容易。