文：紀文慧@精算思政
星期五，又是忙到晚上八時才可以回到座位。看看手機，Telegram有幾百個未讀訊息。其中難得精算思政的光頭寫來，就點擊一下看看。原來是港大畢業生議會EGM的事，他說「告急呀。可唔可以揾你識嘅港大老鬼星期日十一點去開會！」應該是同一個訊息發給他所有朋友的。
我回他說，我不是港大的，只能儘量問問。
反正工作都做不完，還是週末再做吧。光頭很少找人幫忙，總得應付一下。我有樣學樣，發個訊息給我認識的港大老鬼精算朋友，算是交了差。
正想關電腦收工，手機震了一下，原來是Donald回我訊息。他是港大畢業，不過不是精算系—幾十年前還未有精算系啦。他說他人不在香港，去不到EGM。咦，但你常常週末都飛回港，可唔可以順便去一去？我問。接著他在Telegram寫了一句十五個字的廣東粗口。原來真的每一個粗口字都有正字的。
然後他約我今晚飲酒。喂，你人在上海呀，馬上飛回來都半夜啦。「頂，你我都喺屋企開支酒，我地FaceTime住飲囉。」其實也不是第一次這樣高科技飲酒。有一次大班朋友聚會，我一個人在北京出差，班衰人就讓我一面晚上趕工一面和他們FaceTime，然後在顯示我實況的iPad前面，拜神一樣的放了杯酒。就這樣他們飲了一晚，我就砌了一晚定價模型。
到了約定時間，開了日本威士忌，當然也是一杯自己另一杯放iPad前面。Donald上線，調好聲音角度，我馬上指著杯酒叫他「收嘢」。又是十五個字的粗口。
我問他甚麼事，咁好火。他自隊一大口黑啤—用FaceTime，聲音比影像早半拍，好似睇王家衛電影咁—然後歎了口氣，「唉，其實我唔係想鬧你同光頭，但真係走唔開嘛。同埋有咩理由次次靠我地特登返來創造奇蹟？上次已經特登請一日假飛返來親身去，今次EGM又話告急？啲人死哂去邊呀？」咁今次proxy手續麻煩咗，少咗好多票嘛。「所以我咪爆粗囉。香港邊一行最多港大老鬼？唔通係精算咩。剩係教協，本科加教育文憑都最少兩三萬港大老鬼，啲教師又唔使出差，你攞嗰度兩成都五千票啦，仲駛咩告急？究竟佢地做咗啲咩去動員？究竟啲港大人死哂去邊？」喂咁要問返你地，我又唔係港大人。Donald不理我，繼續講。
「聖保羅都講過，佢係一臺戲，等天使同世人睇。」Donald中小學都諗教會齋校，雖然不信教，但成日講聖經。「而家港大係一臺戲，老共同香港市民都睇住。老共要睇你班友係咪真係咁著緊自由，打到龍頭大學，其他就冇得守入哂局。香港市民呢，就知HKU舊生喺政商專業界都攞咁多位，自命天子門生。佢地都守唔住，香港人就知道唔駛再尊重佢地。港大有咩特別呢，又係一樣阿爺哼一聲就跪低！」
我見Donald講聖經，我也想起聽過的另一個聖經故事。大概是猶太人在波斯國給奸人陷害，要滅族了，但剛好有個猶太少女做了王后。她的義父叫她幫忙，不過她有點遲疑，因為王后問政都是有風險。
義父說，不要以為你在王宮就比其他人安全；還有，上帝一定會救猶太人，但到時你龜縮不理全族的事，就一定有報應的。少女結果選擇冒險救族人。
我不曉得上帝會不會救香港脫離極權的手。不過，假如香港有一天能扭轉今天的困局，到時香港人一定會記著港大人今天的選擇。