前言：一班IT人因為689強推創科局和破壞程序公義安插楊顧問入行會，和反對「袋住先」，慣於在幕後工作怕怕羞羞的他們終於被迫上梁山，走上前線，成立了「前線科技人員議政小組」。外子是成員之一，沒想到「做公民，好撚忙」，代議政制失效，做公民變了一份full-time job，而我，一個non-IT人，以前從沒想過會跟這班宅男「做同事」。我是讀文學出身的，作為偽文青，如今走入IT人中，彷彿到了另一個星球，發現了全新人種。跟他們相處有不少趣事，這是我前晚用魔幻寫實手法寫的日記（所以放心，我沒真的當街賴屎），跟大家分享。
==
多得689，小女子呢期同一班IT宅男（sor，又唔記得佢地唔鍾意呢個label，我改口，型男型男！）來往甚密。「擇善固執，堅拒831」係呢班IT型男發起IT界聯署政改意見書時嘅口號。擇善固執，本來係好嘅。另外，佢地做野好搏命又好飄忽，呢個最初我都以為係優點。佢地又鍾意乜都攤出黎講，隨時三唔識七狂插人——呢個嘛，本來我都okay。點知，原來當呢堆特質加埋一齊，而佢地要狂插嘅對象係自己時，咁就大獲啦。即係咁，你好急屎，就黎要賴，咁岩間餐廳個廁所係「蹲廁」，而某個IT型男係好本土派嘅，佢堅持香港人的廁所應該係「坐廁」。金翅你有運行啦，佢會用一萬個理由阻止你用呢間餐廳嘅廁所。哼！今次你想唔賴屎都好難lu！
作為偽文青，我地係感受大個天嘅一群。同人有conflict，講句：「你搞到我好唔開心呀！」對方應該點都會收一收。但原來同IT人講感受係無！用！架！唔好誤會，我唔係話佢地冷血，唔理人感受。佢地會理，但處理嘅方式係繼續爭辯你係咪誤會左佢。即係呢，當你屌佢做乜阻住你去痾屎，佢會非常固執咁話自己無辜，然後繼續同你拗。
我認我衰，正常人係呢個情況，應該會自己走左去痾屎先，但我竟然會嬲到屎都唔想痾住，癲左咁寫文列出佢十大罪狀。不過問題又黎，IT人係慣左鍾意乜都攤出黎講，咁呢張十大罪狀係咪都應該公開呢？「當然唔得！咁樣好傷感情架。」我心諗。正當我立志私底下先同佢攤牌時，佢又再re-open個topic，繼續同我講蹲廁有幾唔掂。佢講多兩講，今次我真係要！賴！屎！啦！結果，我真係賴左！屌！超樣衰呀！但我太嬲，所以我一邊賴一邊高聲宣讀佢嘅十大罪狀。而佢嘅反應，嚇死我！佢竟然一D都唔覺得hurt，仲話遲D寫文逐點反駁我。
今次我投曬降！偽文青一向的生存之道完全無效。其實我只想跪求你放條生路比我去痾屎，但原來我係無方法講得你明架！我屌！不過，得意既係，發生完咁樣一件事，對同枱的所有IT人來說是什麼也沒有發生。無人笑我賴屎，我亦無失去任何一個朋友。請受小女子一拜，呢班人的相處方式真係好神！我見識少，失敬失敬！不過我都應承左自己，下次唔可以意氣用事，有屎應該要即刻痾。
Pantene@ 前線科技人妻
==
另看：
〈IT人妻有話兒：「689我好憎你！」〉
http://www.inmediahk.net/node/it-689
前線科技人員FB 專頁
https://www.facebook.com/FrontlineTechWorkersConcernGroup