政府成日賣廣告叫人唔好幫襯不成功不收費嘅律師，因為果d律師會瓜分你嘅賠賞，而果d律師亦都犯咗包攬訴訟罪，之前就係有個律師咁樣衰咗。
http://orientaldaily.on.cc/cnt/news/20130327/00176_059.html
其實要買人嘅 service 要俾錢係天經地義，包攬同唔包攬嘅分別就係人地收咗錢先做野同未收錢都做咗野先，最後一樣係會瓜分到你嘅利益，依個廣告嘅理由似乎好牽強。
如果你話要申請法緩，你身家唔可以超過26萬，如果你有26萬身家走去打幾堂官司就無咗一半，好多人都唔敢搏啦，依家有人寫包單不成功不收費好直接諗到係幫到d無咩錢不過需要索償嘅人。再老實D講句，搵個法緩律師去打官司同一個出面掛牌嘅律師分別都幾大。
究竟包攬訴訟法背後道理及動機係咩? 其實係想避免D人為咗博取可觀回報，就算理據唔大都上庭打官司，從而做成訴訟泛濫，更可能有律師去慫恿事主興訟。 不過依個情況依家其實都係發生緊，D律師係慫恿緊有錢人去打官司，有錢人都泛濫緊訴訟為工具，好似CCTVB 就成日上訴阻人發牌。最終依條法例就保障咗無錢人唔可以向有錢人索償。
英國、澳洲、美國等國家都已經廢除包攬訴訟法，而據聞香港嘅包攬訴訟法都係跟英國的﹔不過英國卻早於60年代已將之廢除。香港仲用緊包攬訴訟法係咪好落後呢? 雖然包攬訴訟係依d國家受到一定限制，不過點都唔會攪到有錢人先打得官司咁大細超。